NA COMPLAIN DEM DEY COMPLAIN

  

Dem go say dem no be kitchen properties

Say dem wan be political entities

Say God giv dem sef faculties

To take dey run tins for we communities

Even for we house

Dem go say dem no go wear blouse

Say like we, na two legs dem get

So na jeans and leggings dem in sets

Na complain dem dey complain

Dem go sit for house all day

Make up and nack tory all d way

Dem go dey fresh while we dey go grey

Even for action, na on top dem wan stay

For morning, dem go preach independence

Yet for evening, na “Honey, buy me benz

Buy me designers’ lens

Buy me intelligence; c’mon, don’t be denz”

Na complain dem dey complain

Dem say thirty percent for Beijing

Na the work of men wey drink gin

Say for here na fifty-fifty or notin

Or dem go dambaru evri even for coffin

Dem don dey harden their tones

Say dem go soon dey hit us like US drones

Say until we address their woes

Dem go block all their vital holes

Na complain dem dey complain